Miksu Mäenpää-Louekoski

Unkarin ristillistemokraatit merkkaavat taloja ko natsit aikanhan

Jo sitä on aikhoin eletty. Vastahan soli, ko met kuulima, että resitentti Trumpin hallinto erottaapi alaikäsiä siirtolaisten lapsiraasuja vanhemmisthan sielä Meksikon rajala ja sulloo net sikiet sitten johonkin jumalan hylykäähmän kauphan. Ulukonaki saapi leekata vain pari kurijaa tuntia päiväsä.

Ny on sitten tullu Unkarin vaphaalta metialta tietoja maansa ristillistemoraateista, jokka on hyvin tiihvisti liittolaisia sen rasisti-Orpanin puoluuhen kansa. Nämät ristillistemokraatit ovat pääkaupunki Putapestisa ruvenhet merkkaahman semmosten kansalaisjärijestöjen taloja, jokka auttaapi laillisia maahanmuuttajia sekä pakolaisstatuksen saahneita.

Unkarin vaphaan metian mukhan ristillistemokraatit häpäsivät merkeilhän talon, joka on mailmansoan ja natsimiehityksen aikhoin merkattu juutalaisten taloksi keltasela Taavitin tähelä.

Unkarin ristillistemokraatit on antanhet melekosia kouhoja lausuntoja aikasemminki ja omien sanojensa mukhan taistelevat muun muasa Sorosia, vihtahousua ja vapaamuurareita vasthan.

Sorosihan on yrittäny pittää yllä vaphaita kansalaisjärijestöjä Unkarisaki, eikä sole mithän pahhaa teheny ainakhan täsä suhthesa.

Niinkö met tiiämä, Suomesaki erhäisä ristillisisä piireisä kirothan jatkuvasti Sorosia, joka on myös Agenta Europen mustala listala.

Pääministeri Orpanihan tiiethän. Son julistanu liperaalin temokratian loppunheen Unkarisa, minkä tilale pukkaapi ny ristillistä temokratiaa, millä taistelhan maahanmuuttua ja eeuuta vasthan. Sieltei suostuttu pääministeri ohoviisista antamhan mithän lausuntua tähän ristillistemokraattien homhan.

Mitähän net meän ristillistemokraatit on tästä hommasta mieltä?

Lähtheenä on käytetty muun muasa tätä:

Hungarian Christian Democrats desecrate Yellow-Star House in Budapest. Hungarian Free Press. 14.6.2018

Piditkö tästä kirjoituksesta? Näytä se!

8Suosittele

8 käyttäjää suosittelee tätä kirjoitusta. - Näytä suosittelijat

NäytäPiilota kommentit (1 kommentti)

Käyttäjän vmlouek kuva
Vesa-Matti Louekoski

Jos nyt oikein ymmärrän tämän Unkarin "KD":n touhun, niin minusta on skandaali, että Euroopan (ml. Suomen) mediat eivät uutisoi asiasta.

Linkatussa uutisessa mainitaan:

"When journalists of the 444.hu website asked Gergely Gulyás, Minister of the Prime Minister’s Office, what he thinks about this initiative during the government’s standing Thursday press conference, he simply said that he is good friends with the KDNP politician, István Hollik, who organized this, and refused to offer any comment on the labeling."

Toimituksen poiminnat

Tämän blogin suosituimmat kirjoitukset